Fuel hike alang sa tanang barangay

Gumikan sa reklamo sa mga kapitan sa barangay nga naapiktahan ang ilang pangolikta sa basura gumikan sa kakulang sa fuel allocation alang sa ilang mga garbage trucks, si Mayor Edgar Labella misaad nga iyang usbawan ang fuel allocation sa mga garbage trucks, “to improve the efficiency of collection of garbage in the barangays.”

Walay pagpili o discrimination ang paghatag sa pagpausbaw sa fuel allocation. “The barangays, including those belonging to the opposition, will only have to send him a request stating that they want an increase in the fuel allocation,” nagkanayon si Labella.

So, nindot ni, kay kun maghisgot kita’g serbisyo publiko walay labut ang politika niini. Kay kun kasambogan kini sa politika, ang publiko maoy maalaut.

Matud ni Labella nga ang majority sa P5 million nga gahin alang sa mga barangay, i-allocate kini sa garbage collection.

Gikutlo ni Labella ang provision sa RA 9003 kon Ecological Solid Waste Management Act nga kinahanglan kalimpiyohan nila ang mga barangay gikan sa basura, “otherwise they could be held liable on that.”

So, ang mga barangay adunay tulobagon sa balaud kon mapakyas sila paghipos o pagkolekta sa basura, Matud ni Labella nga ang financial assistance nga gihatag ngadto sa 80 ka barangay sa dakbayan, mahimong ipamalit og garbage trucks ug ubang kahimanan nga magamit sa inadlaw-adlaw nilang gimbuhaton

Alang sa tanan ang public service, walay labut ang politika. “When it comes to garbage, when it comes to flooding, and everything that involves public interest and public welfare... there is no politics for me. Our governance is inclusive,” nagkanayon si Labella.

* * *

Atong pahalipay sa mga lungsod sa San Remegio, Tuburan, ug Tabuelan gumikan sa award o pasidungog nga ilang nadawat gikan sa Department of Health (DOH), ang 2019 Red Orchid Award (ROA), “for their substantial effort in maintaining a smoke-free environment.”

Dili baya ni sayon nga obligasyon. Nag-involved kini sa kooperasyon sa general public. Suma, dinhi sa Dakbayan sa Sugbo, and perhaps sa ubang kasigpit nga mga dakbayan ug kalungsoran sa Metro Cebu, samtang aduna nay existing mga ordinansa nga nagdili pagpanigarilyo sa mga dapit publiko, aduna gihapon kitay makit-an nga manabako, bisan gani sulod sa mga sakyanang publiko.

Mao ni ang giingon nga disiplina ang kailangan, dili kay kutob lamang kita sa mga balaud. Kun magpadayon kining atong pagka-walay disiplina, walay mga balaud nga makasanta sa mga buhat sa atong kaigsuonan nga makahatag og kadaut sa katawhan o sa general public. 

Alang sa San Remegio ug Tuburan, ikaduha na kining tuig nga ilang nadawat ang maong pasidungog. Sa ato pa, consistent ug higpit ang ilang kampanya batok sa pagpanabako sa mga dapit publiko.

Samtang una kining higayon sa Tabuelan nga ilang nadawat ang maong pasidungog. Kining maong mga lungsod nahimutang sa Northern Cebu. Sa South?

Kining maong kampanya “for 100 percent tobacco-free environment” sa tibuok nasud, gisugdan sa DOH niadtong tuig 2009 pa, ug matud pa, nagpakita og paglampus niining maong kampanya.  Mihagit ang DOH: “Try to visit these places and see for yourselves the smooth and impressive implementation of the smoke-free ordinance.”

Ang ubang lungsod?