Pataka lang og basol

Nanglimbawot ang balhibo sa pipila ka tawo dihang gipatay dinhi sa Sugbo kaniadtong Huwebes sa hapon ang usa ka koronel sa kapolisan, samtang naglakaw kini didto sa Barangay Kamputhaw.

Awhagon nato ang kapolisan nga ilang sulbaron dayon kon kinsa ang mipatay kang Lt. Col. Joie Yape Jr., apan dili usab maayo nga kon may patyon dinhi sa siyudad, ang mayor dayon maoy basolon.

Si Koronel Yape, kanhi intelligence officer sa Cebu Provincial Police Office (CPPO), ug tua na madestino sa laing lugar, apan mianhi lang sa Sugbo kay mitambong og seminar.

Dihang si Yape pa ang provincial intelligence officer sa Sugbo, daghan kaayo nga mga kontrobersyal nga mga tawo nga iyang gipangdakop.

Ang tinuod, kuwang kaayo ang gidaghanon sa kapolisan dinhi sa siyudad ug imposible nga kapugngan sa mga polis kon may tawo nga patyon.

Labaw na nga dili makiangayon nga si Mayor Edgardo Labella maoy basolon kon may pamatyon dinhi sa dakbayan. Una, dili si Labella ang nagpili sa opisyal nga naglingkod karon isip acting police director sa atong siyudad.

Ikaduha, wala man magkuwang ang mayor sa kanunay’ng pagpatawag sa kapolisan ug gimandoan nga sila mag-alerto kanunay, apan kuwang gyud lagi ang atong mga polis.

Mao man bitaw nga daghan kaayo sa mga maka-afford nga naghupot na lang og armas aron magamit pagdepensa sa ilang kaugalingon.

Pero ang akong ikasulti mao nga angay’ng paladman gyud sa kapolisan ang ilang pakisusi kon ngano kaha nga gipatay man si Yape.

Ang ako lang ikasulti mao nga kitang tanan angay gayud nga magbantay sa atong palibot. Dili kita mokompiyansa sa mga tawo nga dili nato kaila ug moduol kanato.

* * *

 Angay gyud nga ang kadagkoan sa MCWD mangita og paagi nga madugangan ang supply nila sa tubig. Kinahanglang paspasan nila ang ilang plano pagkuha og tubig gikan sa Barangay Bonbon, sa bukirang bahin  sa Sugbo.

Dunay dako nga sapa nga kusog ang bul-og sa tubig diha sa Barangay Bonbon. Angay sila nga maghimo og dakong pundohanan sa tubig diha sa barangay Busay ug Babag.

Gikan sa Bonbon, ibomba nila ang tubig paingon sa dakong tangke diha sa Busay.

Gikan sa tangke, dili na kinahanglan ang pump aron ang tubig mahatod ngadto sa kabalayan kay modagayday ra man kini ngadto sa kabalayan sa ubos.

Kini maoy paagi kaniadto nga nahunahunaan sa akong sangay nga si Rene Mercado, ang kanhi chairman sa MCWD, apan wala dayon mapadayon kay unsaon, gipailisan man sa kanhi mayor.

Unya, unsa may nahimo sa tawo nga gipuli kang Mercado, duna ba gud?

RENBOR PATROL Rene U. Borromeo

Pataka lang  og basol

Nanglimbawot ang balhibo sa pipila ka tawo dihang gipatay dinhi sa Sugbo kaniadtong Huwebes sa hapon ang usa ka koronel sa kapolisan, samtang naglakaw kini didto sa Barangay Kamputhaw.

Awhagon nato ang kapolisan nga ilang sulbaron dayon kon kinsa ang mipatay kang Lt. Col. Joie Yape Jr., apan dili usab maayo nga kon may patyon dinhi sa siyudad, ang mayor dayon maoy basolon.

Si Koronel Yape, kanhi intelligence officer sa Cebu Provincial Police Office (CPPO), ug tua na madestino sa laing lugar, apan mianhi lang sa Sugbo kay mitambong og seminar.

Dihang si Yape pa ang provincial intelligence officer sa Sugbo, daghan kaayo nga mga kontrobersyal nga mga tawo nga iyang gipangdakop.

Ang tinuod, kuwang kaayo ang gidaghanon sa kapolisan dinhi sa siyudad ug imposible nga kapugngan sa mga polis kon may tawo nga patyon.

Labaw na nga dili makiangayon nga si Mayor Edgardo Labella maoy basolon kon may pamatyon dinhi sa dakbayan. Una, dili si Labella ang nagpili sa opisyal nga naglingkod karon isip acting police director sa atong siyudad.

Ikaduha, wala man magkuwang ang mayor sa kanunay’ng pagpatawag sa kapolisan ug gimandoan nga sila mag-alerto kanunay, apan kuwang gyud lagi ang atong mga polis.

Mao man bitaw nga daghan kaayo sa mga maka-afford nga naghupot na lang og armas aron magamit pagdepensa sa ilang kaugalingon.

Pero ang akong ikasulti mao nga angay’ng paladman gyud sa kapolisan ang ilang pakisusi kon ngano kaha nga gipatay man si Yape.

Ang ako lang ikasulti mao nga kitang tanan angay gayud nga magbantay sa atong palibot. Dili kita mokompiyansa sa mga tawo nga dili nato kaila ug moduol kanato.

* * *

 Angay gyud nga ang kadagkoan sa MCWD mangita og paagi nga madugangan ang supply nila sa tubig. Kinahanglang paspasan nila ang ilang plano pagkuha og tubig gikan sa Barangay Bonbon, sa bukirang bahin  sa Sugbo.

Dunay dako nga sapa nga kusog ang bul-og sa tubig diha sa Barangay Bonbon. Angay sila nga maghimo og dakong pundohanan sa tubig diha sa barangay Busay ug Babag.

Gikan sa Bonbon, ibomba nila ang tubig paingon sa dakong tangke diha sa Busay.

Gikan sa tangke, dili na kinahanglan ang pump aron ang tubig mahatod ngadto sa kabalayan kay modagayday ra man kini ngadto sa kabalayan sa ubos.

Kini maoy paagi kaniadto nga nahunahunaan sa akong sangay nga si Rene Mercado, ang kanhi chairman sa MCWD, apan wala dayon mapadayon kay unsaon, gipailisan man sa kanhi mayor.

Unya, unsa may nahimo sa tawo nga gipuli kang Mercado, duna ba gud?