Wa maapil sa last will sa amahan
Dear Atty. Divine,
Ang akong amahan mi execute og Last Will and Testament sa wa pa siya namatay.
Ang nagkupot sa maong Last Will mao ang among kamaguwangan.
Pagkamatay sa akong papa gipakita na namong mga igsuon ang gibilin nga Last Will sa among papa. It turned out nga ako ug ang akong usa ka igsuon wa mi maapil sa Last Will ni papa. Unsay angay namo nga buhaton? Daghang salamat.
Gina
* * *
Dear Gina,
Isip anak, ikaw ug ang imong igsuon gikonsiderar kamo nga compulsory heirs sa imong amahan uban ang imong mga igsuon basi sa Art. 887 sa atong Civil Code.
Ang atong balaod nagmando nga ang mga compulsory heir dili mahimong hikawan sa ilang share sa property nga ilang ma-inherit.
Busa kun dunay Last Will ang imong papa ug duha kaninyo nga mga anak ang wa maapil sa bahin basi sa Last Will, dili kini mamahimo nga ikapatuman. Kun ipugos sa uban nimong mga igsuon ang pagpatuman niini, mamahimo kini ninyong babagan pinaagi sa korte . Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
