Dekada 70 pa gitipigan

Ingon niini ka dugay na gitipigan sa PNP Crime Laboratory ang mga nasakmit nga shabu, marijuana ug uban pa nga mga illegal substance.

Gibutyag kini ni Police Col. Roderick Pausal ang Regional Chief sa PNP Crime Lab sa Region7 atol sa gipahigayong inventory sa mga nasakmit nga kontrabando.

Taas nga panahon ang ilang igugol sa inventory tungod kay ang tanan man nga kontrabando nga anaa sa ilang kustodiya ang gikinahanglan nga ma-account.

Unahon hinoon nila ang Augsto paubos sa Enero ning tuiga dayon sa katuigan diin na-activate ang ilang buhatan niadto pang 1970’s.

Ang gipahigayong inventory aron mahatagan og katin-awan nga anaa ra gihapon sa evidence room o custody nila ang mga illegal drugs.

Kini gumikan sa isyu sa mga Ninja cops nga nag recycle sa illegal drugs, gusto usab nila maseguro nga wala ma tamper ug na adulterate ang mga illegal substance.

Gipakita sa hepe sa PNP Crime Lab ang duha ka evidence rooms nila nga gibutangan sa shabu.

Adunay tulo ka mga dagkong kandado ang gibutang ug ang naghupot sa yawe tulo usab ka mga opisyal sa PNP.

Kini aron dili gyud matinontohan ang naa sa sulod sa vault nga mga illegal drugs.

Sukad niadtong dekadang 70 mikabat na sa 578 kilos ang natigom sa ilang custody apan nahimo nalang kining 116 kilos human natugyan na sa korte isip ebidensya.

Ang Marijuana 470 kilos apan karon 370 kilos nalang human natugyan sa korte.

Dili makahatag og kantidad ang PNP Crime Lab kun pila ang balor sa mga kontrabando tungod kay ang PDEA ra kuno ang otoridad niini.

Giklaro usab sa opisyal nga custodial duty ra ang ilang responsibilidad ug walay labot ang destruction sa mga illegal drugs.

Una nang gipadayag sa kadagkoan sa PNP nga mag agad sila sa kamandoan sa korte, gawas pa ang PDEA ang frontliner sa pagguba sa illegal drugs nga hanigan og court order.

Mao usab kini ang gipadayag ni RTC Executive Judge Macaundas Haji Rasul nga bisan kadtong drugas nga walay nanagiya gikinahanglan nga dunay koordinasyon sa korte ang pagguba niini lakip usab ang ubang stakeholders nga mosaksi sa evidence destructio n.

Mas maayo unta nga madayon ang gitinguhang tigom sa syudad uban ang PNP, PDEA, ug Judiciary.

Kini aron mahan-ay gyud ang insaktong pag guba sa illegal drugs kon kanus-a aron mawagtang na ang mga katahap sa mga negatibong issue sama sa pag recycle niini.