6 na payo na dapat gawin paggising sa umaga
MARAMING naaaksidente sa umaga. Lalo na sa bagong gising. Puwedeng mahilo at bumagsak dahil hindi pa ganoon ka-“gising” ang iyong katawan. Puwedeng manhid pa ang paa at wala kang balanse sa paglalakad.
Sundin ang mga sumusunod na anim na payo para maging ligtas at malusog.
1. Ihanda na ang gamit at damit para sa kinabukasan bago matulog. Makakatulog kayo nang mahimbing.
2. Paggising sa umaga, magpasalamat sa Diyos dahil marami ang hindi na nagigising. Sabi nga, “Every gising is a blessing.”
3. Paggising huwag tumayo agad at baka mahilo. Dahan-dahan lang. Umupo muna ng 1 minuto at mag-stretch ng leeg at balikat. Ang biglang pag-upo at paggalaw ng ulo ay puwedeng magdulot ng pagkahilo. Mayroon ding nagko-collapse at nagdidilim ang paningin sa biglang pagtayo dahil nagkulang ng dugo sa ulo sa pagbaba ng blood pressure. Mag-ingat po.
4. Umupo sa inidoro habang umiihi, kahit sa mga lalaki. Baka inaantok pa at biglang mahilo o mag-collapse. May tinatawag na “micturition syncope” kung saan nagko-collapse ang tao habang umiihi. Mag-ingat dahil puwede itong mangyari.
5. Uminom ng 2 basong maligamgam na tubig bago mag-almusal. Para luminis at mai-ihi ang dumi sa katawan. Turo ito ng Japanese water therapy.
6. Maging positibo na magiging maganda ang iyong araw. Mag-expect na may darating na biyaya sa iyo. God bless po.
- Latest
