Ang Panagsogod

Sud sa daghang katuigan nahimo akong kabahin sa kasaulogan sa Panagsugod Festival dinhi sa amo dili tungod kay may natampo kong donasyon o stepping sa matag street dancing kondili kada saulog niini ako gyud kasaagaran ang natahasan aron mamahimong mangulo sa invocation.

Sud sa unom ka mga tuig (tulo ka tuig niini sa Sogod Proper) ug laing tulo ka Tuig sa Mohon, ako gyud ang natahasan sa Invocation.

Ang ganti mao ang libreng t shirt sa panagsugod nga hangtud karon ako gihapong gisul-ob. Nahimo silang saksi sa panaw sa kinabuhi. Nakita nimo sa bantawan kuyog sa mga alagad sa lungsod pinangulohan nilang Mayor Richard ug Monyeen Streegan ang mga nagkadaiyang pasundayag sa mga tunghaan.

Kaingon ko sa akong kaugalingon nga daghan gyud diay ang mga talentado dinhi sa amoa. Nindot ang ilang mga costumes ug graceful kaayo ang ilang mga moves.

 Hinuon sa contest naa man gyud ang daog naa pud ang pilde apan alang nako silang tanan mga maayo gyud kun maghisgot kita sa performance.

Kay ang ilang panagsayaw dili lang kalabot sa paghatag og kalingawan sa mga tumatan-aw kondili usab pagpadangat sa mga mahinungdannong mensahe ug mga isyu sa palibot, kalikupan, gender issues ug uban pa.

Apan luyo ning tanan gihatagan gyud og igong gibug-aton ang tahas ni Santiago sa kinabuhi sa pagtuo sa mga tawo ning maong malinawong lungsod sa Sogod.

Sa akong bahin mamahimong magintangan na usab ang mga kahigayonan nga ako makasud-ong sa linawas nga pasundayag sa PANAGSUGOD FESTIVAL apan kining maong gintang maoy makadapit kanako sa pagtipig sa mga maayong kasinatian ug mga pagtulon-an.

Salamat sa akong mga kaigsuonang mga Sogoranon sa Parokya ni Santiago Apostol sa Mayor Boss Richard ug kang Inday Monyeen sa kinasingkasing suporta kay sa higayon nga ako ug akong mga kaigsuonan sa parokya ni Pedro Calungsod nagkalisud wala sila magsapayan ug nahimong manggihatagon sa ilang panahon.

Ang laing hugna sa kinabuhi sa pangalagad laing sinugdanan sa kulbahinam nga pagkahimatngon.