Dora the Explorer

Sikat siya sa mga bata ug gani usab natong mga dagko. Very Informative kaayo ang iyang kinabuhi. Gani gitawag siyang Dora the Explorer duna siya’y bangs ug magdala dala siya og knap sack.

Sa atong bahin sa kinabuhi padayon kitang nahisama ni Dora may knap sack kitang gidala dala. Knap sack nga ang sulod mao ang mga kasinatian sa kinabuhi. Mga kasinatian nga usahay buot natong hikalimtan kay tingali sakit ug dili lalim. Ang sakit ning tanan mao nga sa matag higayon nga sila atong gidala dala mao nga nahimong mas bug-at ang matag tikang alang sa sunod nga panaw sa kinabuhi.

Dunay panultihon nga nagkanayon: “Forget the Past but don’t forget the Lesson!” Nga sa ato pa padayon natong kat-onan ang atong kagahapon apan dili nato bitbiton ang mga pagbati nga magdala kanato sa kalaglagan ug kawalay kalipay. Babag sila sa atong tunhay nga panaw sa kinabuhi. Nahimo silang emotional baggage ug dunay interruption ang atong pagahimoong life exploration.

Si Dora nagtudlo kanato ning mosunod:

1. Diha sa panaw dad-a lang ang mga mahinungdanon ayaw tong mga dad-onon nga wala kinahanglana.

2. Diha sa panaw daghan kita og makaila ug masayran nga mamahimong atong mamahimong mga higala sa umaabot. Importante ang tawo dili lang ang butang. Importante ang kasinatian dili lang ang padulngan.

3. Diha sa panaw kinahanglang mopanaw kita uban ang kadasig nga diha sa matag episode dunay bag-ong kaplag nga kinaadman.

4. Diha sa panaw kinahanglang yano lamang ang tanan kay pinaagi niini nahimong paspas ang matag panaw. Walay hasol ug dili bug-at.

5. Diha sa panaw ayaw kalimot nga ang matag episode mahimong mo last for a lifetime. Dunay mga tawo nga gihimoan nimo og ginagmay nga kaayo ang dili mahikalimot niini ug padayong motipig niini sulod sa ilang kasingkasing.

Happy Father’s Day nimo! Nauknol ko sa akong pamalandong sa dihang dunay nitimbaya nako. Igo lang kong nipahiyom tungod kay bisan ako way anak nga matawag nga ako (biological) apan dunay mga bata ug dagko na nga nahimong lamas sa akong kinabuhi. Sila kadtong mga tawo nga nahimong pabug-at usab. Kay ang kinabuhi baya sa amahan lisud labina kun imong seryosohon ang imong role. Salamat na lang kay akong nakita ang pagbathay sa mala anghel nga pahiyom ni Inday. Ang presensiya nakapahinumdom nako nga dunay langit ug angayan lamang nga kini saulogon. Dora the Explorer naka explore ko rong adlawa og nindot nga panagtagbo alang sa molungtad nga kasinatian sa panaghigala.