Annotation sa Real Estate Mortgage

Dear Atty. Divine,

Nag-loan ko og kwarta sa usa ka lending company og ang akong house and lot maoy akong gihimong collateral. Nagsabot mi sa lending company nga dili lang nila ipa annotate sa title ang Real Estate Mortgage ug misaad ko nga akong bayran ang utang basi sa among nasabutan. Apan after 5 months nahospital ang akong inahan busa na-delayed ko sa pagbayad sa akong monthly dues ug akong nahibaw-an  nga ilang gipa annotate ang Real Estate Mortgage sa title sa akong property sa Register of Deeds.

Ang akong pangutana kun unsaon nako sa pagpatangtang ang annotation kay plano nako nga i-fully paid  nalang ang akong utang? Daghang salamat.

Jason

* * *

Dear Jason,

Kun imo nang ma fully paid  ang imong utang sa lending company, mangayo ka nila og Release  sa imong Real Estate Mortgage ug mao kini ang imong i-submit sa Register of Deeds aron ila usab nga ma annotate sa title ang maong Release  sa Real Estate Mortgage.

Kun ma annotate ang Release sa Real Estate Mortgage nagpasabot lang kini nga imo nang nabayran ang maong utang ug wa nay tulubagon ang maong property. Thanks and God bless.

Atty. Divine

* * *

Alang sa inyong pangutana, ipadala  lang sa Legal  Corner sa  Banat News sa V. Gullas St., Cebu City or email sa [email protected] ug akong tubagon ang  inyong pangutana pinaagi sa akong column matag Miyerkules, Sabado ug Domingo.