Ang bunga nga gipaabot

Marso 24, 2019: Ikatulong Domingo sa kwaresma

MGA PAGBASA:  Ex. 3;1-8, 13-15/Sal. 103/1 Cor. 10;1-6,10-12/Lk. 13;1-9

Kun buot kita nga ang kahoy o ang usa ka tanom magmabungahon, ato kining atimanon, buboan ug alimahan. Apan bisan pa man niini, dili ikalimod nga anaa ang mga unexpected interruptions sa atong pagkugi. Anaa sa palibot ang mga posibleng kadaut nga maoy mohulga sa atong paningkamot.

Mao nga kun dili kita makabantay anaa ang dakong kahigayonan sa kaparot. Ingon ini usab ang atong pagkatawo.

Dili ikalimod nga kita dunay mga lights and shadows sa atong kinabuhi. Aduna kitay mga unhealthy tendencies nga makadaut gyud kanato.

Aduna kitay mga inordinate attachments nga makababag sa atong tinguha alang sa atong personal integration.

Kun dili nato makab-ot ang atong personal integration, kini maoy magdala kanato sa depression gumikan sa atong tinguha nga mamahimong hingpit ug tarong.

Apan bisan pa niini, anaa ang daghang kahigayonan niini ug ang gikinahanglan mao ang atong kamanggihatagon sa atong kaugalingon. Aron makab-ot nato kini atong buhaton kining mosunod:

1. Ang hustong intensiyon aron mabag-o ang kaugalingon. Magbag-o kita aron mahimo kitang malipayon.

2. Ang pagduol sa mga tawo nga sa tinuoray makatabang kanato pinaagi sa ilang paggiya ug pagmaymay.

3. Ang makanunayong pagpamalandong aron makita nato ang atong kaugalingon diha mga higayon nga kita masayop. Kun asa kita masayop adto kita mobangon.

4. Ang pagbansay nga anaa kita sa presensiya sa giisip natong balaan aron sa ingon atong ibutang ang atong kaugalingon sa maong presensiya aron mas dali alang nato ang pagbinuotan.

5. Ayaw pag-usik sa panahon, ang hustong panahon sa pagbag-o mao man ang karon.