Employer planong mohatag og ubos pa sa minimum nga sweldo

Dear Atty. Divine,

Duna koy empleyado nga gi hire last month. Bisan kon dili siya qualified sa maong posisyon, ako siyang gikuha kay naluoy ko niya kay nasakit ang iyang mama. Ang akong pangutana kun pwede ba nga below minimum ang akong isweldo niya?  Andam man siya mopirma sa kontrata  labot niini? Daghang salamat.

Jessa

* * *

Dear Jessa,

Ang  kontrata nga pirmahan sa employer ug sa empleyado maoy magsilbing balaod  kanilang  duha ug dapat kining pagasundon. Apan kinahanglan nga ang terms and conditions sa maong kontrata dili mosukwahi sa unsay nalatid sa atong balaod kay kun mosukwahi kini , ang naa sa balaod mao gyuy ipatuman. Ang atong balaod naglatid og minimum nga suhulan sa mga empleyado busa ang tanang employer obligado gyud sa pagtuman niini gawas lang niadtong exempted sa balaod. Busa bisan pa kun ang imong empleyado mopirma sa kontrata nga naghatag kaniya og below minimum nga sweldo dili kini balido nga kontrata kay misukwahi man kini sa  balaod ug obligado gyud ka nga mohatag og minimum nga sweldo sa maong empleyado. Thanks and God bless.

Atty. Divine

* * *

Alang sa inyong pangutana ipadangat lang pinaagi sa email sa flores_divina@yahoo com ug akong tubagon ang inyong pangutana pinaagi sa akong column matag Miyerkules, Sabado ug Domingo.