Sayud mi

Nakasaad ko nga duna koy masakiton nga duawon apan tungod sa kadaghan sa akong mga trabaho mao nga wala ko makalugar. Mao nga ako nangayo og dispensa pinaagi sa text message. Apan siya nitubag nga sige lang kuno kun wala ako didto kay sayud sila nga sila akong giampo. Sa akong kaugalingon usab  akong  nakita nga daghan ko og nakat-onan gikan kanila kay bisan pa man sa mga kalisdanan nga ilang nasinati ning panahona padayon gihapon silang nagmalig-on diha sa ilang pagtuo sa Ginoo. Lisud baya gyud ang kahimtang apan diha sa makanunayong pag-angkla sa tinubdan sa tinud-anay nga kabaskog, nan anaa ang kasigurohan nga dili mahimong mahatag mismo sa kalibutan.