Mainit nga ilimnong honey sa di pa mamahaw(1)

Hangtud karon, duna daghang tawo ang wala pa kaayoy pagtuo o pagsalig sa milagrosong panambal nga natural, diin gipahaum kini mismo gikan sa Kahitas-an pinaagi sa mga produkto sa kinaiyahan aron ang lawas mohimsog.

Tingali dili sab nato sila mabasol, kay wala pa sila makasinati’g sirkumstansya aron makaamggo sa kabililhon niini o kaha kulang lang sa kasayuran niining bahina. Ang tinuod lang, pulos kini nato kinahanglanon ang tanang matang sa panambal. Duna lang kini nga managlahi nga proseso sa epekto sa pag-ayo sama sa ginganlan og cure ug heal sa iningles pa.

Ang natural nga panambal mao kana ang pag-ayo (cure) sa hinungdan sa pagkasakit. Mao nga mokonsumo kitag balanse nga mga sustansyado nga pagkaon nga produkto sa kinaiyahan, aron kita mohimsog nga dili masakit. Niini prosesoha, maoy imintin ang mga pagkaon nga dasok sa mga nutrens.

Ang medikal nga panambal, sa laing bahin, mao sab ang pag-alibyo (heal /alleviate) sa sintomas nga panakit aron temporayo kini wagtangon ang makapaugtas nga pamation. Sagad sa mga tambal nga gamiton ini, gikan sa   parmasyeutika, nga sagad gihimong maintenance aron pagkalma sa sakit.

Bisan mismo mga doktor nasayud na sa side effects ini, nga ang una nga maapektohan ang atong atay ug kidney.  Kun kini mopalyar na maglisud nang  ibalik ang kahimsog sa lawas pinaagi lang niini.

Hinuon dili ta angay mawad-ag paglaum kun seryusohon nga atimanon dayon ang mga gipamati sa lawas, magpatan-aw  kanunay di kay hulaton nga mainutil na. Aron sa ingon masayod ka sa kondisyon sa panglawas ug

kagiyahan kun unsay angay nato nga buhaton.