Baking Soda daghag natambalan nga kanser (1)

Bisag unsay himuon nga remedyo o pagtambal, basta mosubra sa dosage o panginahanglan, makasugat gayud kini og sayd-epek nga imbis makaayo nigrabe hinuon ang problema.

Sama nalang sa naghinubrang paggamit sa baking soda (sodium bicarbonate), makalipong kini nga kasukaon, mangurog, ug pasmo sa kusog ug kaunoran.

Apan matud sa doktor sa medisina ug sa mga alternatibong doktor, daghang masakiton ang nangaayo bisan sa mga pasyente sa kanser.

Pero daghan sab ang nag-ingon sa nakasinatig di maayo, nga kuno makadaut ni.

Tingali lang kulang pa sa ideya kon unsa gayuy tukma nga paggamit ini, aron kapuslan ang mga benepisyo aron makahatag kaayohan sa  lawas alang sa atong katibuk-ang kahimsog sa panglawas.

Daghang kaso sa kanser nga gipagawas na lang sa ospital, kay m ismo ang doctor nawad-an na sa paglaum nga mamaayo pa ang pasyente, aron sa balay na maghulat sa taning mga unom ka bulan.

Apan sa kapaspas sa modernong pagdukiduki, sa pagkakaron daghan nang naayo sa kanser pinaagi niining partikular nga ingrediyente ang baking soda. Hinuon, anaa sa Dios ang gahum sa pag-ayo, busa isalig nato Kaniya ang pagtugot nga kita katabangan.

Si Dr Jim ang nikompirmar nga daghan nang naayo nga pasyente sa kanser,  gamit ang resipe sa baking soda.

Iya kini gipaambit kanato aron usab sa uban kita makatabang. Niya pa, mao kini nakalowas gikan sa kanser ang usa sa pasyente niya nga si Ian Roadhouse.

Busa ayaw ipagamay ang gahum sa baking soda, kay di lang ni sa pagtambal kondi sa pagpanagang nga dili kabuylo sa lawas ang kanser.