Stressful
Naa na sab koy gi-block last week. Saputon man gyud ko magbasa og post oir status nga magyawyaw kabahin sa away sa ilang pamilya. Kanang tunguhon ang miyembro sa pamilya kay naa taliwala sa kapungot ug sa pagbukal sa emosyon. Saputon gyud ko ana. So blocked. Pakkk!
It’s so stressful uy. Family will always be family. Bisa’g unsay mahitabo, in the end, ang matag miyembro ra man gyud na ang magnilabanay—angayang mag-unongay. Usa pa, unsa gyuy labot sa publiko anang away sa inyong pamilya nganong kinahanglan gyud ninyong i-post ug kinahanglan gyud mi nga makabasa? Pakkk!
But seriously, kanang away sa inyong pamilya, dili na ninyo angayan nga i-broadcast. Angayan nga inyo ra gyud nang istoryahan, husayon away from social media. Una, imbes wala mi kahibawo sa dunot ninyong kinabuhi isip pamilya masayud na nuon mi kay inyo man gyud nga i-status. Ikaduha, kun inyo na dihang ipost, daghan kaayong moambit ana inyong problema. For sure, dili gyud na masulbad. Musamot ang gubot kay sa social media daghan kaayong chismosa nga dili ganahan og kalinaw. Pwes, pun-an, kuhaan na nila ang istorya aron musamot ka diha’g ulbo.
Ang angayan buhaton ninyo kun magkagubot or mag-away mo mao ang modangop mo og community elders—kanang inyong kasaligan ug girespeto. Magpatambag mo. Magpatabang mo. Kay pamilya man mo angay og matarong nga dili mo magpataas sa inyong garbo. “Blood is thicker than water,” besh. Pakpak!
Well, kun lagot pa gyud kay ka, ayaw pag-facebook. Palayo sa social media aron dili ka madasig og post-post diha. Remember, once a word imo nang nasulti or namantala dili na gyud na nimo mabakwi pa. Dili na sab na makalimtan sa natungdan. Bisan pa og mahusay na mo, magbilin gyud na’g lama sa panunduman ug kasingkasing sa natungdan. Pakkk!
Have a blessed Sunday, dear okRYANians!
- Latest
