Mga remedyo sa naghubag nga Spleen (3)

Sagad sa mga problema sa panglawas nga dunay kalimbigitan sa naghubag nga spleen, maamong sab sa grabeng kadaut ang digesyon, atay ug pantog (gallbladder)., nga dali ra kini maapektohan sa mga toksins ug sayon kalumloman sa mga bitok (parasites). Labi na ang sayd-epek nga gikan sa druga o ubang medikasyon ug preskripsyons, makapasamot ni sa negatibong kondisyon sa spleen.

Ang spleen bantang sab kaayo ni sa kaluyahon nga mohubag ug dali maugtas o dutlan sa impeksyons, kon ang atay depektoso sab nga di na epektibo sa iyang mga trabaho. Makapasamot sab sa kadaut sa spleen ang hingaon og hilaw, bugnaw ug aslom o suka, hasta ang atay mainutil na.

Mga senyales sa naghubag nga spleen, nga bisan usahay dili ni nato mabatyagan usahay ang mga sintomas ini, apan madiskubrehan lang pinaagi sa medikal nga eksaminasyon , sama sa mga mosunod:

* Dili komportable nga wala kahilisi kay problemado ang sistima sa pagtunaw sa kinaon, labi nag grabe ka hingaon ang tiyan magsakit sa kabusdik.

* Magsakit ang wala nga kilid sa tiyan, diin naa nahimutang ang spleen. Ang panakit mokatap sa ubang parte sa tiyan, kon moginhawag lawom.

* Mangluspad o yellow ang kolor sa panit…

* Anemya

* momenus ang timbang ug

* kanunay maimpeksyons ug tandogonon nga dali magkasakit.

Unsay mga remedyo ini kon ang buhaton mao ang natural nga pamaagi sa pag-ayo, mas maayo nga masulayan ang sama sa mga mosunod;

* Paghaplas og mauyonan nga esensyal oil, sagad ini pahiyuson ang hubag ug pakalmahon ang panakit.

* Ayaw padala sa stress.

* Igo nga ehersisyo.

* Kaon og utanon ug prutas, pagkaong dasok sa omega -3, sama sa tuna ug mga seafoods.