Pamikog sa kagabhion, unsay buhaton (2)

* Mokonsumo og potassium ug magnesium – Ang kaugatan o kaunoran kun kulang kita ning maong mga minerales, manuskig o mogahi ug bikogan atong mga batiis nga ang kasakit mopakgang  sa atong pagkatulog. Ang pagtumar sa mga suplemento niini, makaayo sab, seguroha lang nga igo ang  gidaghanon (dosage) kada adlaw.

 * Paunata (stretch) – Maayo sab ning paagiha nga unaton o pisilpisilon ang batiis kanunay aron makabuylo ang sirkulasyon. Makatabang kini nga pakalmahon ang kasakit sa bikog. Naay baligya ini nga mga haplas sama sa potassium, peppermint ug uban pang ‘essential oils’ nga imong mauyonan.

* Moinom og daghang tubig — kini magdepende sa edad ug aktibidad sa lawas, nga labing menus walo ka baso ang imnon kada adlaw. Makatabang kini sa pagpalumoy sa kaugatan ug kaunoran. Gawas ini, kun kulang sa tubig ang lawas, daghan tag masinati nga panakit.

* Mamutang og rubbing alcohol — Mas maayo nga magtinil kanunay sa kaugalingon nga manuhotsuhot ang makahupay nga kabugnaw ini sa alcohol.

* Black molasses — Maayo moinom ini og 1-2 ka kutsara, alang sa grabeng panakit sa bikog. Makatabang ni sa pagdali nga mawala ang nasinating kangulngol. Kay nagbaton ang black molasses og daghang nutrens sama sa mga minerales nga makatabang nga hupayon ang panakit sa bikog labi na sa kagabhion .

* Tiil itunob sa kongkretong salog — Makaayo sab ang nanakit nga bikog , ang pagtunob sa tiil nga way hapin direkta nakadapat ang lapalapa ngadto sa salog. Ilakawlakaw kini nga sama sa ginut o gimasahean.

Tingali, duna pay laing mga paagi ini, busa sulayan ang mas epektibo kanimo.