Family day

Disyembre 30, 2018: Pangilin sa balaang banay nilang Jesus Maria ug Jose

MGA PAGBASA:   Sir. 3;2-6,12-14/Sal. 128/Col. 3;12-21/Lk. 2;41-52

Kini kasagaran ang mahitabo panahon sa pasko ug gani dinhi pud pagahimoon ang mga family reunions. Kini tungod kay ang matag usa nagagikan gyud og pamilya bisan pa man kun usahay ang atong pamilya dili gyud matawag nga hingpit. Ang atong Ginoo nagpailawom sa gahum sa tawhanong mga ginikanan timaan nga iyang gibalaan ang banay nga tawhanon. Ug buot niya nga mamahimong sukaranan ang banay sa pag-ebanghelyo. Daghan ang nahimong atake nga nahitabo batok sa banay mao nga mahinungdanon kaayo ang hugtanon nga pag-ampo niini ingon man ang kadasig sa pagpanalipod sa kasagrado niini kay kini mao man ang simbahan ug hut-ong nga naghatag og kalig-on sa atong katilingban.