Benepisyo sa mainit nga tubig sa lemon (2)

Sa pag-inom og mainit nga tubig nga adunay lemon kada buntag, daghang pangutana ang  misantop sa hunahuna, sama sa mga mosunod;

* Dili ba kini makadaut sa enamel nga proteksyon sa ngipon? Dili ni makadaut kay sa pagsagol ini sa tubig, namenusan ang pagkaasidik sa lemon. Dugang depensa sa ngipon, ighuman og inom, kinahanglan sundan kini sa paglimugmog nga mahimong tunlon. Ayaw panutbras sud sa 60 mins, ug humok nga toothbrush ang gamiton ug dili kuskoson og maayo.

* Makadaut ba kini kon palabihan sa pag-inom?  Bisag unsang butanga bisan makaayo pa, basta mosubra nas gikinahanglan, segurado gyud makadaut ni.

* Ang lemon makahimo ba sa tubig nga alkalina? Oo, kay dasok kini sa natural ions ang lemon, bisan kini asidik apan kun konsumohon na mahimong alkalina  ang lebel sa lawas. Kay ang lemon usa ni sa pagkaong alkalina.

* Unsa man ang kalainan sa lemon juice nga gikan sa lab-as nga prutas ug sa gipakete o linata?  Simple lang ang pagpasabot ini, nga ang lab-as nga lemon juice, direkta kini konsumohon. Samtang kadtong gipakite o linata, dinaghan ang produksyon ug mapundo’g dugay sa bodega o sa distribusyon. Sagad ini gisagolan og kemikal nga preserbatibo nga mopamenus sa potensyal nutrens.

* Makalimpyo o makadetoks ba sa lawas kining tubig sa lemon? Dili lang ang tubig sa lemon, mismo ang tibuok prutas apil ang panit kaonon, dasok sa ions nga maoy mopatangtang sa mga toksik aron igawas ang likido nga toksik  isip usa kini ka ‘diuretic’ aron sab nga padaghanon ang ihi, pagseguro nga mapagawas ang tanan nga makahilong hugaw gikan sa lawas. 

Aylag kalimti, tanan epektibo kini sa buntag imnon sa di pa kasudlan ang tiyan.