Ang sense of direction

Kinahanglang mosalig gyud ta sa atong pangulo o lider sa bisan unsang kahugpongan kay sa atong panaw ug padulngan sila baya gyud ang atong sandigan.

Apan subo kaayo palandungon nga daghang lider karon ang nahimong walay igong padulngan kay sila mismo ang naglibog sa ilang mga kaugalingon ning paagiha nahimong mas katag ang atong panaw padung sa atong gitinguha. Mahimong atong kawsa ang ilang kawsa kun klaro ang tanan alang kanato apan kun kita maglibog pagsabot sa ilang mga hunahuna unsaon man nato pag-angkon sa ilang kawsa kun diha sa merito bugtong sila lamang ang nahimong malipayon? Dili ba mas nindot kun kitang tanan ang mahiagom sa kadaugan ug sa kapakyasan kun sa pagsugod pa lang daan nahimong kabahin na kita sa ilang panlimbasog?