Mga timailhan nga makaabot ka’g 100

Gikan kini sa Internet giulohan “12 surprising signs you’ll live to 100.” Lisud ni. Maglisud man gani kitang makaabot og 80 o 90, ang pag-100 years old na ba hinuon. Suma, dinhi sa ato, matag saulog nato sa tinuig nga Senior Citizens month, tagsa ra, usahay duha o tulo ang atong kapasidunggan makadawat og tag P100,000.         

Una sa tanan, kun ikaw maoy “life of the party” daku ang kahigayonan nga muabot  ka’g 100, dili ma-dementia, kini sumala sa pagtuon nga gihimo sa Karolinska Institute sa Sweden, uban sa 500 ka senior citizen babaye’g lalake nagpanuigon og 78 pataas.

Kun outgoing ka, ikaw ang mahimong kinabuhi sa party o sa usa ka pagtapuk-tapok, dili ka daling ma-stress, regular nga mag-meditate, moinom og black tea, ug mo-take a nap, makapataas kini sa imong kinabuhi.

Makamatikod tingali kamo nga niining Christmas season, daghan kaayong mga party, samtang alegre kaayo, adunay pipila kanato ang maisip nga killjoy, morag way labut sa party. Dili makigsandurot, magpadaplin lang, ug magpakahilom lang.

On the other hand, adunay tabian kaayo, hapit tanang tawo iyang kaila ug amigo, mahurot ang tanang lamesa pagsuroy-suroy, as if siya ang host o celebrant sa okasyon. Siya ang life of the party. Lagmit makaabot ni siya’g 100.

Ikaw, unsa ka man when attending a party... Killjoy, o life of the party ... nakatampo o maoy nakapa-alegre sa okasyon?

Giingon usab dinhi nga mo- run ka for 40 minutes a day. Medyo lisud ni, gawas niadtong regular nga mga runner. Hinuon, di man kuno kinahanglan nga 40 minutes gyud; mahimo nga less 40, say 20 minutes, basta medyo makapahangos na nimo’g gamay. Matud pa nga ang mga regular nga runner, “lived longer and function better physically.”

Unya, gihisgutan dinhi ang oatmeal nga sagulan og raspberry ug ubang fibrous food. Giingon nga: “Dietery fiber helps reduce bad cholesterol, improve insulin sensitivity, and boost weight loss.” 

Feel young. Giingon dinhi nga: “Feeling youthful is linked to a better health and longer life.” So, tiguwang na ka, unya magtiniguwang pa gyud, mosamot ka’g katiguwang. Mas lagsik ang panglawas kay sa niadtong nagpunay la’g lingkod sa balay. Kun ang imong feeling sa imong kaugalingon, bata ka pa, ‘it can improve optimism and motivation to overcome challenges” ug kini maka-reduce sa stress, maka-boost sa immune system ug dili daling mataptan og sakit.

So, pipila lamang kini sa mga “surprising signs you’ll live to 100.”