Idugang sa kape, tiyan pagamyon (3)

Karon nga duna na kitay ideya ngano nga gamhanan sa kaepektibo ang kape nga dugangag sagol nga cinnamon, coco oil (extra virgin) ug honey, aron sa pagpahiuli sa normal nga gidak-on sa tiyan, nga sagad nakahasol sa atong paglihok nga dali ra kutasan ug usahay mawad-an tag inspirasyon sa inadlaw nga kaakohan.     

Ang kape nga atong gamiton, angay sab kita magmatgon kay sa merkado nagbaha halos mga sentetik nga kape, nga ang buot ipasabot ini, kemikal nga kape ni nga hinimo sa laboratoryo, nga mas isog pa ang caffeine, nga walay balanse nga epekto sa lawas.

Nga gipagana aron maadik sa artipisyal nga aroma ang kahumot.

Busa, isiguro ang kape nga gikan kini sa tanom, sangagon nga mahimong ‘black coffee’, apan may nabaniog karon nga ‘green coffee’, isip herbal nga kape. Likayan ang pagsangag sa dili kape nga paigon sama sa bugas, kay ‘carbonized’ nga kape kini nga makakanser. Nauso ni kaniadto apan GMO na ron og delikado.?       Hinoon, bisag unsa nga klase sa kape nga imnon kada adlaw, kon magpatuyang ini, pulos kini makadaut nga makaapekto sa pangutok sama sa alzhemier, parkinsons, insomnia ug makasakit sa kasingkasing.

Hasta sa kumbati sa seks molikoy kay nainutil na ang signal sa gana gikan sa hunahuna.?      

Apan sa laing bahin, mopahimsog sab kini sa lawas nga mamintin ang kaalisto ug kaabtik sa lawas ug hunahuna. Sama sa pagpagamay sa tiyan nga nagbusyad.

Unsa may paagi nga buhaton niining talagsaong kombinasyon sa kape ??     

Mga kinahanglanon - * 1/2ka tasa sa honey… * 3/4ka tasa sa coco oil…* 1ka kutsarita sa cinnamon.. Unsay buhaton – I-blender ang ingrediyentes hangtud mapasta, ighuman isulod sa garapong bildo nga isud sa ref.

Unsaon paggamit – Kon nakaandam na ang kape mo dugangig 1-2ka kutsarita sa gipastang mga sagol.