Ang pagka-kalimtanon

Diha ko sa sala, sa dihang duna koy nahinumdoman usa ka butang nga nahibilin sa kwarto. Midali ko’g saka sa taas, ug sa diha na ko sa kwarto, wa na ko kahibawo kon unsay akong tuyo sulod sa kwarto.

Suod kong amigo misugilon kanako nga usa ka higayon gisapot siya’g maayo tungod kay nabawo siya’g pangita sa liyabe sa iyang kwarto.

Pila ka minutos later, giingnan siya sa iyang apo nga tingalig anaa ra sa iyang bulsa. Tuod man, diha ra diay sa iyang bulsa.

Daghan pang mga insidente nga sama niini ang nahitabo usab sa kauban natong mga senior citizen. Normal kini.  Failure sa memory.

Samtang ordinaryo kini kanatong mga senior citizen, mahimo nga ato kining kalikayan o kamenusan ang atong pagka-kalimtanon. Aniay mga sugyot gikan sa Internet to improve kono sa atong memory.

Una sa tanan, ilista kuno nato ang mga butang nga buot natong buhaton aron dili kalimtan.

Apan kinahanglan atong ilista sa chalkboard o sa bisan unsa nga kasuwatan nga atong makita, dili sa notebook o sa papel lang nga adunay posibilidad nga ato usab nga makalimtan. Giingon dinhi, write things down where you can see them.

Usahay akong isuwat ang akong mga buhatonon for the day sa akong cellphone.

Ang mahitabo, either makalimot ko pagdala sa cellphone, or makalimot ko pagtan-aw sa memo pad niini.

Ikaduha, kaon niining gitawag nga mga “brain food.” Ang blueberry, cranberry, ug strawberry, maka-shield kuno sa atong brain from memory loss. Ug gidugang dinhi ang saging ug coconut milk.

Unya, giingon dinhi nga “brains remember pictures more easily than written information.”

So, kun duna kay buot hinumdoman, paghulagway o pag-imagine og retrato sa buot nimong hinumdoman. Pananglitan di ka buot makalimot pagtawag sa imong asawa dayon nimong uli sa balay, i-imagine sa matahom nga retrato sa imong asawa nga nagpahiyom kanimo.

Ikaupat, isuwat gyud ang imong mga appointments.  Ayaw kalimot pagtan-aw sa imong gisuwatan. Uso na man ron ang mga cellphone, i-jot down sa imong phone calendar. Sa giingon dinhi, write down appointments as soon as you make them.  

Ug ikalima, samtang ang atong lawas nagkinahanglan og exercise, mao usab ang atong utok. Kinahanglan usab kini i-exercise, otherwise, magluya ug ma-stagnant.

Ang mga memory games, giingon nga maka-train sa atong memory, maka-improve sa brain elasticity,  makapalagsik sa atong panghunauna, ug sa samang higayon makalingaw.

So, dunay mga paagi pag-improve sa atong memory. Dili kinahanglan nga mabiktima kita kanunay sa memory loss.