Duna bay penalty kon maatol nga holiday or weekend ang due date sa credit card?
Dear Atty. Divine,
Ang akong igsuon mikuha og credit card og mao kini iyang gigamit og pang grocery. Ang akong papa nag remind sa akong igsuon sa pagbayad gyud sa due date aron dili modako iyang bayranan tungod sa penalty.
Ang akong pangutana, kon pananglit maatol og holiday or weekends ang due date maka charge ba og penalty ang bangko? Daghang salamat.
Joey
* * *
Dear Joey,
Basi sa Sec. 23 sa Philippine Credit Card Industry Regulation Law, kini nagkanayon nga kon ang due date sa pagbayad sa credit card maatol gani og weekend or holiday automatic nga ma move ang due date niini ngadto sa next working day. Sa ato pa, kon maatol og Sabado or Domingo kinahanglan mobayad gyud ka ini’g Lunes sa imong credit card aron di ka mag-penalty ug kon maatol og holiday kinahanglan nga mobayad ka the next working day. Mas maayo gyud nga on time ka mobayad aron di ka mag-penalty nga moresulta sa pagdako sa imong utang. Thanks and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong coumn matag Miyerkules, Sabado ug Domingo.
- Latest
