Kon nagregla ayaw ni buhata (2)

Unya ang labing pait pa gyud, magduhiraw ang imong mga hunahuna nga dili ka pakatulgon nga malinawon hangtud saw-on sa anemia ug insomnia. Niini sab higayona hasolon ta og maayo, sa labihang mga panakit nga di masabot ang gipamati sa lawas nga nagregla.

* Magmukmok sa tibuok kagabhion - Ang kanunay sayo nga maghigda, dili usab kini maayo sa giregla, kay dili lang kini delikado kondili kuyaw sab ni alang sa ilang kahimsog.

Kalagmitan sa way gibuhat nga nagmukmok lang permi sa higdaanan magbuntag, motumaw ang di damhong mga problema sa panglawas.

Hinuon sa sayong kagabhion, ang atong lawas moprodyus og hormones nga ginganlag ‘melatonin’ nga maoy motrabaho nga pahimsogon ang tanang parte o organ sa lawas, apan ato lang gipalabay ang oras nga wa kahatagig sakto nga pahulay  aron ayohon nga makondisyon ang normal mo nga pagregla.

* Likayan ang ‘soda water’ – Ang kanunay pag-inom sa soda nga ilimnon o ‘soda water’, labi na kini pinabugnaw pa, kay kini makadugang sa alantuson nga problema  sa nagregla.

Kay dunay posibilidad nga magsalimuang ka sa regla mo nga dugay nitin-aw. Unsaon ang soda nga giinom, maoy nagpahinay sa pagpagawas sa hugaw nga dugo (menstrual blood) nga nagpondo lang sa ‘uterene wall.’

Mao kini ang hinungdan sa grabe nga gipamating panakit sa pus-on ug sa uban nga parte sa lawas.   

* Ang pagkaon og pipino (cucumber) – Dili sab kini maayo nga kaonon ang pipino (cucumber) samtang wala pa matapos ang pagregla. Kay nagbaton ni’g ingrediyentes nga maoy hinungdan nga dugay nahuman  ang pagregla, busa dugay sab ka mag-antos sa mga panakit sa lawas.