Manluluwas og mga kinabuhi
Niabot og 635 ka blood donors ang nitunga sa 16 ka venues sa mga dakbayan ug kalungsuran sa Sugbo ug nihatag sa gasa sa kinabuhi sa “Dugong Halad: Ang Kapamilya Blood Donation Activity” tibuok adlaw niadtong Sabado, Oktubre 20. Nakatigom mi og 464 ka bags sa dugo.
Kay ang usa ka bag sa dugo (nga tag-500cc matag usa) makaluwas man og hangtud tulo ka kinabuhi tungod sa iyang sud nga platelets, red blood cells (RBCs) ug white blood cells (WBCs) ang among natigom mahimong makaluwas og hangtod sa 1,392 ka kinabuhi.
* * *
Tampo sa matag venue: SM City sa Cebu City, 100 bags; Gaisano Grand Fiesta Mall sa Tabunok, Talisay City, 71; Pacific Mall sa Mandaue City, 47; SM Hypermarket sa Basak, Lapu-Lapu City, 42; SM City sa Cansolacion, 39; Cebu Provincial Hospital sa Carcar City, 38; Gaisano Grand Mall sa Cordova, 26; Robinsons Cybergate, 25;
Cebu Provincial Hospital sa Balamban, 17; Mactan Doctors Hospital, 15; South General Hospital sa Naga City, 10; North General Hospital, 6; Cebu Doctors Hospital, 5; Cebu Provincial Hospital sa Danao City, 4; ug Cebu Provincial Hospital sa Bogo City, 2.
* * *
Ang upat ka venues sa Dakbayan sa Sugbo maoy labing daghan og blood donors nga nabalibaran, niabot og 36, tungod sa taas nga presyon sa dugo o mubo nga hemoglobin (ang protina sa dugo nga naghatud og oxygen sa tibuok lawas).
Gisundan sa Balamban, 35; Lapu-Lapu, 24; Consolacion, 21; Carcar, 18; Cordova, 11; Tabunok ug Mandaue, managsamang tag-10; Naga, 4; Bogo, 2; ug way bisan usang nabalibaran sa Danao ug sa Perpetual Succour Hospital.
* * *
Salamat sa Cordova, Cebu City, Talisay City, Mandaue City ug Consolacion nga nideklarar sa Oktubre 20 nga “Blood Donation Day” pagdasig sa mga molupyo paghatag og dugo.
Salamat sab sa Regional Blood Center (RBC) sa Department of Health (DOH) sa Central Visayas ug sa Philippine Red Cross (PRC) Cebu Chapter ug Lapu-Lapu/Cordova Chapter.
Hangtud sa sunod nga Dugong Halad puhon, tulo ka buwan gikan karon (kay luwas mang paghatag og dugo kausa matag tulo ka buwan).
Nisugyot ang RBC nga himuon ni sa Enero 12, usa ka semana sa dili pa ang Sinulog 2019.
* * *
- Latest
