Mag-tsa aron kalikayan mag-antipara (1)

Bisan tuod og may mga batan-on kitang nakita nga nagsul-ob na’g antipara, kini tungod sa mabug-at nga hinungdan, sama sa  genetic o kaliwat nga dala na sa pagkatawo nga depektoso na’g mga mata.

Mahimo sab ang hinungdan, kay sa gamay pa hangtud nagdako nga pinatuyangan halos walay puas sa pagtutok sa kompyuter, selpon ug mga kahimanan nga may ‘blue light radiations’.

Apan, ang natural gayud nga hinungdan ini, nga samtang kompleto o himsog ang organismo sa atong mga mata, ug samtang nagka-edad na kita magka-anam sab og kamenus ang kalidad sa mga panan-aw nato.

Kini tungod kay nataligam-an ang mga panginahanglan nga molahutay sa kahago ang atong mga mata.

Dili nato mabasol sila kay lagi linga man kaayo sa pagpanlimbasog niining kinabuhia.

Nalimot nga ang mga mata, maoy naglabing puhonan aron maseguro nga makita ang atong giugmad nga kalamboan.

Mas maayo makabaton kita’g panahon mahitungod sa pagnunot sa mga bag-ong kasayuran o mga ideya alang sa atong panglawas.

Mga eksperto sa siyensya, walay hunong pagdiskubre, nga kaniadto o sa karon, mahimong adunay kausaban nga mas makaayo sa atong panahon.

Gumikan sa mga problema sa mata, paspas ang kalamboan sa teknolohiya, aron maremedyohan nga matarong ang panan-aw, nga patauran la’g eyeglass o antipara, contact lens o lasik eye treatment.

Kining tanan pulos lang temporaryo nga kahimanan sa panan-aw aron ikorehir dayon ang problema sa mata, apan maoy wala matagad nato ang malungtaron nga solusyon, mao ang pahimsog nga masustenehan kini sa mga sustansya sa pag-ayo ug pagdepensa sa mga mata.

Aniay bag-ong ideya, nga aron kalikayan nga mag-antipara, basin sab og moepekto kini sa kaugalingon sama sa ubang nakasulay na sa kaepektibo ini.