Malisud ang dalan sa kaayohan

Kini ang buhing kamatuoran kun duna kitay gihambing balatian. Malisud alang nato ang pagbaton og hinanaling tambal alang niini.

Nagkinahanglan kini og panahon, nagkinahanglan kini og proseso. Sa atong pagpuyo niining kinabuhi sa kapaspasan ug hinanaling kasulbaran maoy timan-an nato nga dili sa tanang higayon ang paspas ang pagaisipong maayo kay dunay uban nila nga nahimong pinugos ug kay pinugos man ug ahat dili gyud husto ang mahatag niini nga resulta.

Dinhi mosulod ang birtud sa pailob ug pinaagi sa pagpailob mahimong makita nato ang bili sa matag proseso o mga tawo nga nahimong kabahin sa atong kaayuhan. It can make us better persons bisan pa man kun sa una, daw kita sama sa mga biniyaang trapo sa tawhanong kasinatian.