Maila sa imong tiil kon unsa ka (1)

Sukad pa sa karaan nga panahon, nauso na ang pagbasa sa nakalatid nga badlis sa atong palad, aron makita ang gikinahanglan nga ikorehir o kausaban nga buhaton ang tumong sa pangandoy nga makabaton og maayong kapalaran.

Apan ang wala kaayo mahibaloi sa kadaghanan, nga ang atong tiil makabutyag sab kon unsa imong kinaiya o matang sa pagkatawo. Busa, sugdi ang pag-ila sa kaugalingon pinaagi nga sud-ongon pag-ayo ang hulma o porma sa imong tiil kon motakdo ba kini sa deskripsyon nga atong idetalye.

Ania ang mga porma sa tiil ug ang katugbang nga interpretasyon niini;

* Ang Roman foot — Mao kini ang komon o sagad nga porma sa tiil, diin ang naandan gyud mao nga ang kumagko dagku, kasunod mga kuyamoy nga nakahan-ay paubos nga morag 45 degrees ang lebel sa handag.

Ang tawo nga nakabaton ining porma nga ginganla’g ‘Roman foot’, nagpasabot nga siya kalmado, mapailubon ug mahigalaon. Mahiligon sila sa pagmugna og mga bag-ong butang, ilabi na gusto nila manimpalad sa laing kanasoran. Makita sab ang  hiyas sa pagkahilig sa negosyo, ug maayo nga manulti nga dali makakabig.     

* Very long toes — Mga tag-ason ang porma sa mga kuyamoy sa tiil, nga nagpasabot sa pagkatandogonon sa kinaiya, o emosyonal kaayo. Apan mga tabian sila nga mahigugmaon nga mopadayag sa ilang mga sentimento ug panghunahuna. Unya, niini nga kinaiya, nga tungod kay adunay hiyas sa pagtabi, sagad nila mahiligon sa politika ug adunay inisyatibo sa pagpalambo.

* Little toes on the foot sides — Ang tawo nga nagbaton og gagmayon nga kuyamoy o kumingking sa tiil, nagpasabot sa kinaiya nga gusto nga molihok nga gawasnon ang pamaagi nga dili na kinahanglan nga mandoan o independente.