Kayod

AGOSTO 12, 2018: Ikanapulo’g-siyam nga

Domingo sulod sa tuig

Mga Pagbasa: 1 Hari 19;4-8/Sal. 34/

Ef. 4;30;5;2/Jn. 6;41-51

Matud pa nila ang mga dato kuno they work out to digest their food samtang ang mga kabus mo work out to search for their food.  Sa laktod buot natong magpuyo sa kinabuhing himsog, busog ug natagbaw. Kini tungod kay ang kinabuhi alang nato kausa ra gyud moagi ning kalibutan nga lumalabay lamang. May higala ko nga successful kaayo apan sa kaulahian miingon siya nako nga daw sa walay kapaingnan ug kahulogan ang tanan niyang pagpaningkamot. Mao nga nahimong daw sa useless alang kaniya ang pagkayod. Apan ako siyang giingnan nga bisan pa man sa kakulangan nga iyang nasinati angay gihapon siyang magpasalamat sanglit daghan sa mga tawo karon ang buot mosinati sa iyang nasinati ug imbis sud-ongon kini niya ingon nga karga sa kinabuhi, isipon kini niya nga gasa ug kay gasa angay lamang nga iyang ipaambit sa mga nagkinahanglan dili lang sa iyang bahandi kondili sa iyang panahon ug sa iyang pagkatawo.  Matag tambong nato sa misa kita gipahinumdoman nga dili lang kutob sa sagradong hawanan ang bisan unsa nga atong nakat-onan  angay kitang mogawas ug mohimong mas konkreto sa bisan unsa nga atong nadawat. Kay nagpasalamat nan, angay kang mopahat sa imong nadawat.