Gustong mo-execute og last will and testament

Dear Atty. Divine,

Ang akong mama ug papa, are not in good terms. Duna silay property nga napalit during their marriage ug naa say separate properties si mama  nga iyang sinunod sa iyang mga ginikanan.

Si mama nagplano sa pag-execute og Last Will and Testament. Ang akong pangutana kon mahimo ba nga maghimo si mama og Last Will and Testament bisan kon wa’y consent gikan sa akong papa? Daghang salamat. —  Cristal

Dear Cristal,

Base sa atong Civil Code of the Philippines, sa Article 802 ug Article 803, kini nagkanayon nga ang minyo nga babaye mahimong makahimo og Last Will and Testament nga dili na magkinahanglan og pagtugot, o consent sa iyang bana ug mahimo sab siya nga mo-dispose sa iyang exclusive property lakip na sa iyang share sa conjugal property pinaagi sa Last Will and Testament.

Buot ipasabot nga ang imong mama, bukas nga makahimo og Last Will and Testament nga dili na magkinahanglan og approval, o consent sa imong papa samtang ang imong papa mahimo sab nga maghimo og iyang Last Will and Testament nga dili na magkinahanglan og approval, o pagtugot sa imong mama. Thanks and God Bless.-Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City, or email sa [email protected] ug akong tubagon ang inyong pangutana pinaagi  sa akong column matag Miyerkules, Sabado ug Domingo.