Makadawat ba og separation pay kon manira ang kompaniya?
Dear Atty. Divine,
Ang among kompaniya medyo nagkalisud na kay sige na og ka delay ang among sweldo. Matud sa HR nga posibleng manira na sa hingpit ang among company next month.
Unom ka tuig nako nga nagtrabaho sa among company ug karon ra ni nahitabo nga na-delayed na ang among sweldo.
Kon pananglit manira na sa hingpit ang among kompaniya duna ba mi madawat nga separation pay? Daghang salamat. — Ian
Dear Ian,
Base sa Art. 283 sa atong Labor Code, ang kompaniya mamahimong manaktak og trabahante tungod sa hingpit na nilang pagpanira sa ilang operasyon, apan obligado ang kompaniya o employer sa paghatag og separation pay sa ilang empleyado nga equivalent og one month or half month per year of service.
Sa ato pa, kon manira ang imong company, then makadawat ka og separation pay sa imong unom ka tuig nga pagtrabaho nila. Thanks and God bless.- Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
