Binalhinay galore

Hulyo 15, 2018: Ika-15 nga Domingo sa tuig

Mga Pagbasa: Am. 7;12-15/Sal. 85/Ef. 1;3-14/Mk. 6;7-13

Hapit na ang 2019 ug sigurado na gyud tingali ang binalhinay. Apan ang Ebanghelyo nipasibaw sa dakong pahinumdom nga kinahanglang diha sa pagbalhin, mobalhin uban ang dakong kasayon ug kagaan.

Sa ato pa, Travel Light. Kini tungod kay dili maayo nga daghan ang dad-on, dili lang butang, kondili, sa gihambin nga pagbati. Ang kausaban maoy normal nga hitabo ning atong katilingban.

Ug labaw sa tanan, dili maayo nga mamugos, o mopugos aron kita dili masakitan. Kon anaa ang rejection, mas haom nga dili kini nato hatagan og igong emosyon kay kini makadaot sa atong kaugmaon.

Travel Light alang nako ug kaninyo aron sa sunod panaw mahimong mas exciting ug mas paspas ang tanan.