Makapaalibyo ang pagpisil sa kamot (2)

Ang tungatungang tudlo pisilon kini kon adunay problema sa kalibog, o kanunay nga masuko kay kini nga tudlo, mopaalibyo sa imong negatibong kabuot. Makatabang sab ni sa panan-aw ug sa sirkulasyon, panghupay sa panakit sa regla ug sa sakit sa ulo (migraine).

Singsingan (ringfinger) — sa pagpisil sa ubos nga bahin niining tudloa, mogana ang trabaho sa kolon ug sa baga (lungs). Hupayon usab niya ang kabalaka ug hapsayon ang hunahuna. Ayuhon hasta ang problema sa sistema sa pagpahilis ug sa baga, sama sa hubak.

Kumingking (Pinky finger) — kini ang nagkontrol sa kasingkasing ug sa gamay’ng tinai, hasta sa nerbiyos, kabalaka o pagduhaduha ug  mopalig-on sa kompiyansa. Masulbad hasta panakit sa kabukogan, sa dughan, totunlan ug butod.

Ang base, o ubos nga bahin sa kumagko — kon kini pisilon, hupayon niini ang hutoy o ubo, naugtas nga baga ug makapaalibyo sab ni sa sakit sa totunlan ug paganahon ang trabaho sa ‘thyroid gland’.

Sentro sa palad (center of palm) — mao sab ni dapita ang pisilon kon dunay sa panakit sa tiyan, o problema nga dili kahilisan sa gikaon.

Undanon nga bahin sa palad — ubos nga bahin kining natungod sa kumagko.

Dinhi dapita sab pisilon aron alibyohon ang mga problema sa kasingkasing. Hasta ang pagbalanse sa ‘endocrine gland’ ug sa hormones niini nga wala na magkadimao ang iyang pradaksyon.

Undanon nga gawas sa palad (exterior of palm) — ubos nga bahin kini nga natungod sa kumingking, dinhi sab nakasentro ang mga isyu mahitungod sa appendix ug pagkontrol sa bloodsugar.