Gusto nga ipagamit sa amahan ang iyang apelyido

Dear Atty. Divine,

Duna ko’y anak sa akong ex-girlfriend. Wa nako ma-ackowledge ang bata kay nagtrabaho ko sa gawas dihang kini natawo.

Apan nagsuporta ko sa bata hangtud karon. Gusto unta nako nga ang bata mogamit sa akong apelyido kay hapit na ra ba siya mo-eskwela.

Unsay angay nako nga buhaton aron mausab ang apelyido sa bata sa iyang birth certificate, ug aron ang ako na nga apelyido ang iyang gamiton? Daghang salamat. — Roger

Dear Roger,

Mahimong ipausab ang apelyido sa imong anak pinaagi sa pag-execute nimo og Affidavit of Acknowledgment isip pagpamatuod nga ikaw ang amahan niini.

Sa imong Affidavit, ilakip usab nimo ang tinguha nga imong ipagamit sa bata ang imong apelyido, ug ilisan ang iyang surname sa iyang birth certificate.

Human niini, i-submit nimo ang imong Affidavit ngadto sa Local Civil Registrar diin marehistro ang bata aron ilang ma-process ang pag-usab sa apelyido sa imong anak sa iyang Birth Certificate. Thanks and God bless.- Atty. Divine

* * *

Alang  sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.