Ang tulo ka S

Kini naglambigit sa Self, Silence ug Stop, nga usahay maoy nakalimtan sa kadaghanan. Tungod sa naghinubra nga panghunahuna sa panginahanglan sa uban, nakalimtan nato ang atong kaugalingong panginahanglan.

Nakalimot kita sa paghilom ug nahikalimot kita sa paghunong. Buot nato nga mangita sa resulta sa atong gipangandoy, hangtud nga nakasinati na kita og kakapoy.

 Angayan gyud ang pagpahuway aron atimanon nato ang atong kaugalingon. Ning paagiha, mahimong mas balanse alang nato ang pagpuyo sa kinabuhing malipayon, taliwala sa busy ug pressure kaayo nga kalibutan sa paglihok tungod ug alang sa gitawag nilang kalampusan.