Proseso sa pagtubo

HUNYO 17, 2018: Ikanapulo’g usa nga Domingo sulod sa tuig

Mga Pagbasa: Ez. 17;22-24/Sal. 93/2 Cor. 5;6-10/Mk. 4;26-34

Misteryoso gyud ang kinabuhi. Nakita nato ang usa ka binhi atong itisok ug kun maatiman kini motubo apan kun giunsa kini pagtubo usahay lisud tugkaron. Ang Gingharian sa Dios sama niini ug gani ang mga theologians nagkanayon man: “It is already but not yet. Already tungod kay nasugdan na sa Ginoo ingon nga iyang proyekto not yet tungod kay naa pa sa proseso sa pagtubo ug gidapit kita sa pagsalmot niini. Nga sa ato pa dunay sense of participation gikan sa atong kaugalingon ug pinasikad usab sa atong katakus. Kini wala mag-agad sa dominanteng paagi sa pagpatubo sa parasan sa Dios. Kada usa nato dunay karisma ug matag karisma gamiton nato unta alang sa kahimayaang Diosnon ug dili sa pagpasidungog nga tawhanon.