Mga benepisyo sa eba (2)

* Pagkontrol sa diabetes – ang eba dugay na kaayo nga nahibaw-an nga makapaus-os sa ‘bloodsugar.’ Dunay 2 ka paagi sa paggamit niini nga mao ang paghimo niini’g juice nga sama sa ubang ‘fruit juice, nga direktang imnon. Ang ikaduha, magpabukal og 1 ka tasang tubig hangtud nga mohubas kini sa katunga ang sabaw nga binutangan og pinigsat sa prutas nga eba. Salaa ug imna kini kaduha kada adlaw.

* Pahupay sa hilanat ug labad sa ulo – ang linaga sa eba, dugay na sab nga gigamit para sa hilanat, o labad sa ulo. Ang bulak sa eba, nga humolan, o lagaon, sagad paalibyo sa  hilanat. Ang vitamin-C sa eba, makatabang sab sa pagpalig-on sa sistima sa imyon.

 * Gihimong syrup – ang prutas sa eba o ‘bilimbi fruits’ himuon nga syrup (cough syrup) para pag-alibyo sa ubo. Tungod kini sa positibong epekto sa eba, nga alibyohon ang ubo ug paghunong sa nag-agas nga tubig sa ilong nga gisubaw.

* Pag-alibyo sa ‘allergies’ – kini gumikan sa kasinsitibo sa imyun, ang lawas allergehon, labi na sa mga pagkaon, eksposyur sa metal, drugas ug hangin, nga kalagmitan sa mga sintomas ini mao ang pangatol, mamula ang mata, maglisud sa pagginhawa ug pangagas sa tubig sa ilong. Ang linaga sa dahon sa eba, regular nga mawala o makapaus-os sa kahasol sa mga ‘allergies’.

* Pag-alibyo sa almoranas – ang eba o bilimbi syrup, mosanta sab batok sa implamasyon, nga ang kaaslom sa eba, igo na mopahiyos sa nagdugong almoranas

* Pag-alibyo sa makatakod nga sakit – labi na nakapagseks og makatakod nga sakit. Pinaugang bunga sa eba ug dahon nga pabukalan sa 3ka basong tubig hangtud mokubos sa katunga ang sabaw, imna kini kaduha kada adlaw.