Diha sa pagtoo

Sa matag panaw nga atong pagabuhaton aduna gayud kita’y pagabuhaton aron sa ingon maangkon ang kalampusan nga gusto natong makab-ot.

Usa sa gihimong sukaran mao ang pagtuo nga ato gayud kini nga mabuhat. Apan dili kini igo kon dili ubanan sa buhat, pailob, kakugi, kadasig, pag-antos ug gugma sa pagbuhat sa ingon. Kon ang atong panglantaw sama ni Juan nga magpaabut lang nga mahulog ang bayabas diha sa iyang baba, abtan ta sa buwan sa irog-irog nga walay mahimo. Busa kung gusto nga molambo atong pursigihon ang atong pagtoo ug ubanan sa mga hiyas nga angay batonan.