Asawa dili gustong mogamit sa apelyido sa bana
Dear Atty. Divine:
Minyo ko sud na sa walo ka tuig ug wa mi anak. Ang akong bana atoa nagtrabaho sa gawas ug medyo di na maayo among relasyon kay panagsa na gani siya mopauli. Wa na sad mi klarong communication kay panagsa ra sad siya mokontak. Nagduda ko nga naa siyay laing babaye. Tungod niini, ang akong mama nga usa ka OFW mitambag nako nga mas maayo pay manarbaho na lang sad ko abroad ug iya kong tabangan nga makakita og employer sa Australia. This month schedule nako nga mo-apply og passport. Ang akong pangutana kon obligado ba ko nga mogamit sa apelyido sa akong bana ngadto sa akong passport kay gusto unta nako nga ang akong apelyido sa pagkadalaga ang akong gamiton sa passport?
Daghang salamat. — Lydia
* * *
Dear Lydia:
Base sa Art. 370 sa atong New Civil Code, dili obligado ang usa ka minyo nga babaye nga mogamit sa surname sa iyang bana. Gihatagan siya og opsyon sa maong balaod sa paggamit sa iyang naandan nga apelyido sa pagkadalaga o sa paggamit sa surname sa iyang bana. Busa kon mokuha ka og passport mamahimo ra nga ang imong apelyido sa pagkadalaga ang imong gamiton kay once ang apelyido sa imong bana ang imong gamiton dili na ikaw makatangtang niini gawas lang kon gi-dissolve na sa korte ang inyong kaminyuon. Apan sa dili pa ka modesisyon sa pagtrabaho abroad mas maayo nga makig-estorya ka daan sa imong bana pag-settle sa inyong problema aron pag-save sa inyong kaminyuon nga usa ka sagradong butang nga inyong gisudlan. Thanks and God bless. — Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_ [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest
