Aron motin-aw ang panungog (1)

Sumala sa obserbasyon sa atong mga doktor, ang naglabing hinungdan sa isyu sa panungog, mao ang atong pagkaedaran. Gani, daghang edaran karon, ang nakasinati og problema sa panungog.

Hinuon sa pagkakaron, komon na kini nga problema sa panungog, dili lang sa edaran na, nag-atubang sab niini’ng problemaha ang mga tawo, nga wala kini gipiling edad, seks, o kaliwat.

Nakahatag kini og dili tiaw nga kahasol, ang pagkawagtang sa kalidad sa atong panungog, kay nakabalda man kini sa inadlaw nato nga kalihokan, sa pagtuman sa mga kaakohan.

Apan nagkagrabe usab ang mga komplikasyon niini, sama pananglitan sa tawo nga nagbaton og isyu sa panungog, kalagmitan nag-atubang og lainlaing problema ug nahimutang kanunay sa alanganin ang pag-akatar sa iyang trabaho.

Gawas  pa niini, sa tanang higayon nahimutang sa kakuyaw, o risgo ang kinabuhi kadtong adunay problema sa panungog, sama pananglit nga dili makadungog sa pagsirbato sa mga sakyanan kay hayan kini makamugna og disgrasya.

Kon maoy hisgotan ang pagtambal niini gamit ang mga tambal sa parmasyutika ug sa botika, kay aduna may daghan niini nga giproseso sa sentetik nga kemikal.

Apan ang problema niini, nga nasayod na kita, nga halos ang mga medikal nga solusyon, nagbaton og mga say’d-epek, o laing epekto imbes mamaayo na.

Niini wala ta’y mahimo gawas nga mataghapan diay sa pamasin nga moalibyo.

Karon sa natural nga pag-alibyo, atong ipresentar kaninyo kining resipe, aron mabalik ang normal nga katin-aw sa atong panungog.