Isagol sa kape, nagbusyad mohiyos (2)

Ngano nga mas lig-on man kini nga kombinasyon sa kape?  Ania, ang mga detalye nga kasayuran, segun sa paghulagway sa mga eksperto:

*  Ang Cinnamon – Naghatag ni og daghang benepisyo sa kahimsog. Ang katakus niining epektibo sa ‘anti-inflammation,’ nga mosanta o mopamenos sa pagproseso sa implamasyon.

Gawas niini, dasok sab kini sa ‘antioxidants’, nga mo-neutral, o pugngan ang mga negatibong epekto sa dangan sa panglawas (free radicals). Mopaus-os sab kini nga inormal ang lebel sa asukar sa dugo. Motabang sa pagpadali nga moepekto dayon ang kusog o enerhiya sa lawas.

Nga niini nga paagiha, ang cinnamon mosanta batok sa tambok aron nga dili mapundo og dugay sa lawas. Duha ka klase ang cinnamon, ‘ceylon’ ug ‘cassia’.

* Coco oil — Laing gasa gikan sa kinaiyahan nga naghatag kanato og taas nga listahan sa mga benepisyo. Nagbaton kini og  ‘medium fatty acids’, nga ang ‘digestive system’ maoy mopahigayon nga ikahatud dayon ni sa atay, kay kon dili dayon ni mahimong enerhiya, magpundo ang tambok sa lawas (body ketons). Ang dakong bentaha sa coco oil mao ang pagpamenos sa timbang, mao nga palihokon nga natural ang metabolismo, aron epektibo nga masunog ang tambok (fat) sa lawas.

* Honey — Natural nga asukar kini nga gikinahanglan sa lawas nga himuong enerhiya. Abunda  kini sa minerales, sama sa sodium, zinc, calcium, potassium, ug phosphorus. Duna sab ni folate, vitamin C, riboflavin, ug vtamin B6 nga napamatud-ang makatabang kini sa pagkontrol sa lebel sa kolesterol ug sa ‘stress’.

Ang honey, maayo nga panghulip isip panam-is, o asukar, kay dili kini makatambok, ug ubos og glycemic index (GI) nga dili mosaka ang lebel sa ‘bloodsugar’. Sa ato pa, makaayo sab kini sa nagka-diabetes 2.