Namatay ang accused samtang pending pa ang kaso

 Dear Atty. Divine,

Ang akong papa mipasaka og kasong pagpangawat sa among silingan nga addict tungod sa iyang pagpangawat sa among stereo ug cellphones kay misaka man ni siya sa among balay.

Ang maong kaso pending na sa korte. Apan last month, gipatay sa riding-in-tandem ang accused.

Ang akong pangutana kon unsay mahitabo sa kasong pagpangawat nga gipasaka sa akong papa batok kaniya? Daghang salamat. —  Lyra

Dear Lyra,

Base sa Art. 89 (1) sa atong Revised Penal Code kini nagkanayon nga ang criminal liability sa usa ka tawo mo-extinguish kon mamatay ang accused before sa iyang final conviction.

Sama sa nahitabo sa imong silingan nga gikiha sa imong papa apan namatay kini while pending pa ang maong kaso, so ang mahitabo sa kasong gipasaka sa imong papa batok kaniya, mao ang pagka-dismiss niini kay patay na man ang accused hinungdan sa pagka-extinguished sa iyang criminal liability.

Kinsa man sab ang bilangguon nato kon makonbikto ang accused nga patay na man kini ug dili na sab siya makadepensa sa iyang kaso kon ipadayon ang trial bisan patay na ang accused.

Hinaot nga natubag nako ang imong pangutana. Thanks and God bless. - Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.