Asa na man ang imong mga sinuwat

Ang nagbinugtong staff sa usa ka pamantalaan ang nangutana nako: Asa naman ang imong mga sinuwat’. Ako siya giingnan nga wala nako kaayo magsuwat. Ingon siya nga maayo na lang unta to nga himoong puno-puno kun pananglit way masuwat aron sa ingon makompleto ang tanan. Igo lang ko sa pagpahiyom.

Alang nako ang pagsuwat di lang kalabot sa hunahuna o impormasyon o pamalandong. Alang kanako ang pagsuwat dili lang kalabot sa hunahuna o impormasyon o pamalandong. Ang pagsulat usa ka matang sa pagtagik sa imong gibati o pangindahay sa kinabuhi. Kay ang matag titik hinungaw man sa imong hunahuna ug pagbati.

Nahimo kining makahuloganon tungod kay matag usa niini ang makatandog gyud unta sa hunahuna ug pagbati kanila nga mobasa niini. Nga sila mismo makaingon ila ning kinabuhi o nga ila ning sugilanon ug nga ila kining panginahanglan. Sa pagligid sa panahon, dunay mga hunahuna o baruganan kaniadto nga ako nang giusab. Mga baruganan nga karun di na kaayo makatandog sa akong bag-ong naumol nga baruganan. Mga baruganan nga nahimong linugdangan sa taas nga mga kasinatian.

Alang nako ang kinabuhi usa ka dakong duwa sa bantawan sa tawhanong kalambigitan dunay script nga atong gisunod apan mas maayo nga labi ang ad lib kaysa gilatid nga diyalogo kay usahay ang diyalogo mao man ang makapahimo sa kinabuhi nga boring ug way ayo, laay ug way igong tumong.

Ang mensahe mao: Itagik   ang imong   kaugalingong sugilanon apan himoang ma-hanging ang katapusan kay basin pa diay mahimong comedy o di ba kaha happy ending ang tragic nimong kasinatian.