Addictive

 Matud pa sa maanyag nga babaye, “addictive” siya kay ang iyang kagwapa nga kung masinati makapaikag sa matag binuhat nga iyang ikasandurot.

Ang maong pulong daghang implikasyon sa kinabuhi sa tawo. Ang pagkagumon sa usa ka butang maanindot kung kini mahimong hinungdan sa paglambo sa kaugalingon ug sa komunidad nga imong gikalambigitan. Usa kini ka paagi nga ang tawo padayon nga makigbisog aron maabot ang tingusbawan nga iyang gidamgo.

Sa laing bahin, kung ang pagkagumon  o pagka”addict” sa butang maghatag og kadautan ug pagkaguba sa kinabuhi sa taglawas o sa mga tawo nga anaa sa iyang palibot angay kining putlon aron sa ingon walay kadaut nga modangat sa kinabuhi.

 Pagpuyo subay sa kabubut-on sa Ginoo kay ang tawong matarong adunay ganti nga madawat gikan sa Ginoo nga dili ikahatag niining kalibutana.