Ang lig-on og panghunahuna (1)

Ang mga tawo nga himsog ang pangutok, sagad kanila mga lig-on og panghunahuna. Maantigo nga modala sa  ilang emosyon ug batasan o kinaiya, sa mga paagi nga nagpahimutang kanunay sa kaseguroan nga magmalampuson sa ilang tingusbawan.

Aduna kini birtud ug hiyas nga makita sa ilang pagkatawo, ang kasagaran nila dili gusto nga buhaton ang mga mosunod.

* Nga mag-usik og panahon — Sa pagmahay sa kaugalingon kun giunsa sila pagtratar, kun dili, maoy ilang prayoridad ang paghingusog sa kaakohan alang sa ilang misyon sa kinabuhi, ug ang pagsabot nga ang kinabuhi dili kanunay sayon ug patas, nga kini maangkon.

* Nga buhian ang ilang gahum — Dili sila gusto nga dunay lain nga buot mokontrol nila. Dili moingon nga masuko ang ilang boss kay nasayod sila unsaon pagkontrol ang ilang emosyon ug nagbaton sila’g kahibalo ug kagawasan unsaon pagtubag sa ingon niining mga sitwasyon nga ilang nahimutangan.

* Dili maulaw gikan sa kausaban — Ang  lig-on og panghunahuna, dili molikay sa gikinahanglan nga kausaban. Nakaandam kanunay modawat sa mga positibo nga kausaban ug diha-diha maikagon usab sa pagbuhat ini. Nakasabot sila nga dili kini malikayan, ug may pagtuo sa ilang katakus nga mosagop niini.

* Dili mag-usik og enerhiya sa mga butang nga dili nila makontrol — wala kita’y madungog sa tawo nga lig-on og panghunahuna, nga nawagtangan og butang o na-trapik. Kun dili mao la’y gipukos nila ang butang nga ilang makontrol, sama sa pagkontrol sa ilang kinaiya.

* Dili paulipon nga mabuhi pa ang nangagi — igo nalang kini himuon nga leksyon nga makat-on karon sa ilang kinabuhi. Unsa man ang kakulangan, dinhi angay na nga idugang nga kapuslan, sa ugma ug alang sa umaabot.