Pang-alibyo sa bun-i (1)

Ang bun-i usa ka matang sa sakit sa panit nga naimpekted gumikan sa paghinguko nga nasamad, unya nag-uga nga adunay kagaw (fungus). Ang sintomas niini grabeng ka katol nga porma og lingin nga nagpula mura og patches sa panit.

Laing hinungdan niini mao ang impeksyon sa tugkanan sa mga buhok gumikan sa sige’g paibot niini nga nasamdam, o kaha tungod sa kinawtan nga nasamad ug na-impeksyon.

Apan labaw sa tanan, gumikan sab kini sa kakulang sa mga nutrens sa panit ug ang wala’y pag-atiman nga malimpyohan kanunay.

Makatakod kining sakita. Hinuon naay daghang mapalit nga tambal sa botika, sama sa fungal ointment. Apan duna say daghang pangremedyo niini sama sa mga mosunod:

* Flouride toothpaste — Butangi lang ang apektadong panit, taudtaod mokalma ang kakatol niini. Obserbahe nga butangan kini 2 ka beses kada adlaw. Pasagdi nga mouga sulod sa 20 minutos, dayon waswasan o maligo. Buhata ni sulod sa 2 ka semana, igo nga mamaayo na kini.

* Bleaching solutions (non-diluted) — Puro nga dili sagolan og tubig, igo lang butangan ang apektadong panit. Paughon og maayo una waswasan. Inigkaugma o sa sunod adlaw, magkaanam na’g kawala ang kakatol.

* Virgin coco oil — Nagbaton ni og isog nga anti-fungal compound. Maligo sa dili pa ni butangan og VCO (virgin coco oil), duha ka beses kada adlaw. Aron mas mohupay, puwede bugnaw ang ikaligo, unya ayudahe lang sab og anti-fungal cream.

* Nizoral shampoo (green) — Deretso butangan ang bun-i nga pasagdan lang nga mawala ang katol hangtod mamaayo.

* Garlic extract (ahos) — Mas maayo ni sa fungal infections sama sa bun-i. Paniti ang ahos nga hiwaon og nigpis nga itapal, bendahe og panapton unya pabuntagan.