Pagkamagtutoo

Ang dakong kalihokan o kapistahan sa simbahang Katoliko mao ang  pagsaulog sa kapistahan sa Batang Hesus, Señor Sto. Niño. Dili igsapayan ang ulan o init nga sagubangon kay lagi anaa ang mga panaad nga dili gyud makalimtan.

Apan dili managsama ang tumong sa mga tawo nga mosalmot niini kay ang hudyaka ug panapi man ang gusto kab-uton. Angay hunahunaon nato nga ang kalihokan maoy usa ka paagi nga makalambigit kita sa gugma ug tumong sa Ginoo para kanato. Hinaut nga magkahiusa kita sa  pag-ampo alang sa kalinaw, kalambuan alang sa tuig 2017.