Brgy Poblacion, Dalaguete, Cebu

“Concern lang ko sa among kabukiran kay hapit na mahurot ang mga kahoy kay gisigehan sa pagpamutol sa mga mamaligyaay og kahoy diri sa among lungsod matagad unta dayon ni.”

Brgy Labogon, Mandaue City

“Ang among karsada diri wala man gyud gitiwas sa pagtrabaho kay ultimo mga tricycle maglisod na man gani sa pag-agi. Hangyo unta mi sa among kapitan diri nga maaksyonan na unta ni.”

Brgy Nasingin, Getafe, Bohol

“Ireklamo namo ang polis diri sa among lugar kay dakpon niya kun managat mi unya ang among sakayan iyang ipalukat didto sa ilang balay. Ang nakaapan kay anha ra niya ang lukat.”

Brgy Looc, Lapu-Lapu City

“Nahibulong mi nganong walay tukhang diri sa among lugar ug daghan gihapon kaayo ang mga adik ug pusher. Ang mga polis diri wala man intawon magpakabana sa problema sa ilegal nga drugas.”

Brgy Mambaling, Cebu City

“Mr Barangay naa lang mi concern diri sa Sitio Viking kay pila na ka adlaw nga wa’y klarong agas sa tubig sa MCWD, kun moagas man gani puwerte nga hinaya.”

Brgy Tunghaan, Minglanilla, Cebu

“Naa mi silingan diri sa Riverside nga nag-operate og internetan nga pasudlon man ang mga bata, unya abli pa gyud ni 24 oras. Apektado kaayo ang pag-eskuwela sa mga bata kay dili na man makatulog, ug ang uban kay dugay mauli sa ilang mga balay.”

Brgy Talamban, Cebu City

"Awhag ko sa among kapitan nga susihon nila ang ilang mga empleyado kay naay duha ka minyo diha nga babaye ug lalaki ang nag-uyabay na man hinoon. Lain kaayo paminawon nga magrelasyon bisa’g naay mga anak sa ilang mga pamilya.”

Brgy Caridad, Tuburan, Cebu

“Human gyud sa eleksyon kay gipamutlan mi og hose sa tubig matag balay nga dili kapartido sa kapitan namo diri. Hasta paglukat og barangay clearance dili hatagan kun wala misuporta sa gipaluyohan sa among kapitan.”

Brgy Tabunok, Sogod, Cebu

“Diri sa Sitio Suba daghan man gihapon ang namaligya’g shabu, wala man gyud dakpa sa mga polis ang mga pusher diri nga ilado na man unta sa kadaghanan ang mga namaligya’g shabu.”

Brgy Danlag, Consolacion, Cebu

“Ireklamo lang unta namo ang mga driver sa dumptruck nga mag-agian diri sa among lugar kay abusado kaayo, dili gyud mohatag og lugar kun naay motor nga ikasugat. Daghan na intawon nga mga motor ang nadisgrasya tungod kay matagak na lang sa karsada kay dili man mopadaplin ang dumptruck.”

Brgy Tangke, Talisay City

“Manawagan ko sa otoridad nga kun mahimo aksyonan nila ang dugay na nga pagpamaligya’g bas gikan sa baybayon diri. Ang nakaparat kay tanod ra sab diri ang nagpasiugda’g panguha kada adlaw, halos pila ka muticab ang magkarga’g bas diri.”

Alang sa mga reklamo text lang sa 09326425494