Epekto sa popularity surveys

Kun ikaw nag-una sa poll surveys, nagpasabot ba kini nga ikaw ang most qualified, most honest, most sincere, most moral, most incorruptible, most dedicated, most family caring and most devoted husband or wife sa tanan mo nga kaatbang nga mga kandidato?

Ang tuyo sa mga poll surveys mao ang pag-determine sa preferences sa mga botante kun ang “elections were held today,” uban sa 1,000 ngadto sa 5,000 ka respondents nga morepresentar na  kuno sa cross section sa kapin 50 milyones ka botante sa tibuok nasud.

Mo-claim dayon ang mga nagnegosyo sa survey nga “it was done scientifically,” ug ang margin of error gamay kaayo. Sa ato pa, dunay dakong purohan nga maoy resulta sa eleksyon.

Adunay pangutana kun ang resulta sa mga survey makatabang ba sa mga botante “to vote wisely ang responsibly?.” Makatabang ba kini sa tinguha natong mga Pilipinhon nga ato na untang kaampingan ug kapanalipdan ang pagkabalaan sa katungod sa pagpili?

Ang epekto gud sa pagpublikar sa resulta sa survey, mao nga makamugna kini og bandwagon effect, maka-influence sa mga pumipili niadtong wala kaayo makatuhog sa mga isyu.

Unfair kaayo ni alang sa atong nasud, tungod kay atong gihimo nga popularity contest ang eleksyon.

Maoy hinungdan nga si Rep. Lito Atienza sa Buhay party-list ug kanhi mayor sa Manila, miawhag sa Comelec nga karon nagsingabot na ang eleksyon, mga duha na lang ka semana, i-ban na, did-an na ang pag-publish sa resulta sa survey, aron dili maka-influence sa mga pumipili, aron nga ang ilang konsiyensia maoy basihan sa pagpili.

“Let the people decide for themselves, free from the influence of the results of poll surveys,” nagkanayon si Atienza. Of course dili mosugot ang Pulse Asia ug Social Weather Station niini, kay mahunong ang ilang surveys negosyo, ug kaminosan ang ilang ganansiya, bali’g duha ka semana.

* * *

Ang Bureau of Customs nigahin og P20 milyones aron ipalit og mga closed circuit television (CCTV) camera, itaud sa mga pantalan ug mga buhatan sa adwana. Ilang unahon pag-install ang sa main office sa BOC sa Puerto sa Manila, ug mga dagkong puerto, sama sa Batangas, Cebu, Davao, ug Cagayan de Oro.

Ingon man, tauran usab ang mga pribadong container yard ug container freight station aron kalikayan ang pagpangawat sa mga kargamento sulod niini.    Ug bisan pa sa mga pagsupak sa BOC Employees Association, ambot ngano, ipadayon gyud ni BOC Commissioner Alberto Lina ang maong proyekto. Maayo!