Mr Barangay
Brgy Apas, Cebu City
“Akong ireklamo kining karsada diri dapit sa Sitio Upper Panabang nga puwerte na gyud nga batia, daghan na kaayong libaong. Gusto namo nga masemento ni kay daghan na kaayo nga nadisgrasya diri nga mga sakyanan, labi na sa mga motor."
Brgy Yati, Liloan, Cebu
“Moreklamo lang ko sa mga PUJ nga nagbiyahean diri sa Liloan kay kutob ra man sila sa Consolacion. Ilang pakanaugon ang mga pasahero sa Lacion kay dili sila molahos pero pagkanaug sa mga pasahero magpasakay sila’g lain para na sab sa Liloan.”
Brgy Mabolo, Cebu City
“Diha dapit sa Persimon naay mga bata diha nga magtapok kada gabii unya manglabay og bato sa mga pasahero sa PUJ. Wala man gyud nagpakabana niini ang mga opisyal sa barangay ug mga polis.”
Brgy San Nicolas Proper, Cebu City
“Diri sa among barangay wa gyu’y tanod nga madalidali pagtawag kun may kagubot kay magpundok ra man sila sa barangay hall kun panahon na sa tingswledo, pero kun laing adlaw halos man wala’y tawo diha.”
Brgy Calamba, Cebu City
“Diri sa Happy Valley, labi na sa may first corner, dugay na kaayo nga wala mosiga ang mga suga sa poste. Ngitngit kaayo ang lugar ug kuyaw kaayo sa mga tawo nga mangagi, labi na sa mga babaye.”
Brgy Maigang, Barili, Cebu
“Kining piggery sa among dapit pwerte na man gyud nga bahoa, problema mi panahon sa pagpangaon. Sige na lang mi panampong kay baho kaayo, halos kada adlaw, unya ang mga opisyal diri wala gyud magtagad.”
Brgy Apas, Cebu City
“Padayon mi nga nag-antos diri sa Sitio Upper Panabang kay ang Spider water supply dili kaayo makasuplay namo og tubig.”
Brgy Dakit, Bogo City
“Ireklamo namo ang hepe sa tanod diri kay halos dili man namo makit-an sa barangay hall, dili man mo-duty, pero sige og dawat sa suweldo.”
Brgy Baring, Carmen, Cebu
“Lima na ka buwan mi nga nag-antos sa problema sa tubig kay ang puso diri guba na kaayo, dili na gyud mapahimuslan. Wala man gyud ipaayo ning pusoha nga unta luyo ra man sa balay sa among konsehal.”
Brgy Buaya, Lapu-Lapu City
“Ireklamo namo ang bahin sa grabeng kawat diri sa among barangay. Ang among mga opisyal diri wala may gihimong aksyon bahin niining problemaha.”
Brgy Calero, Liloan, Cebu
“Amo nga awhagon ang mga opisyal sa barangay nga butangan unta nila og mga suga ang matag poste diri kay halos punder na ang tanan. Ngitngit kaayo ang lugar ug kuyaw kaayo sa mangagi panahon sa kagabhion kay daghang adik diri.”
* * *
Alang sa inyong mga reklamo text lang sa 09062973166
- Latest
